READ THE WORDS / FEEL THE MUSIC
歌词 · LRC
我的同学
ང་ཡི་སློབ་གྲོགས། ལེན་མཁན། ཀརྨ་ཡེ་ཤེས་རྒྱལ་མཚན། ༡ བསིལ་རླུང་གིས་ཁྱེར་བའི་སྡོང་ལོ་དག། སུ་ཞིག་གི་རྨི་ལམ་དུ་འཕུར་བྱུང། བརྗེད་མི་ཐུབ་པའི་མིག་ཟུང་དྭངས་མོ། ཁྱོད་རང་གང་དུ་བཞུགས་ཡོད་དམ། ཁྱོད་རང་བདེ་མོ་ཨེ་ཡིན་ལགས། ཁྱོད་ཀྱིས་བརྗེད་ཡོད་དམ། ང་ཡི་སློབ་གྲོགས། སློབ་རའི་གྲུ་ཟུར་རེ་རེ་ན། དྲན་པ་ལྷག་ཡོད། བརྩེ་བ་ལུས་ཡོད། ང་ཡི་སློབ་གྲོགས། ༢ དགའ་སྐྱོ་ཡིས་བྲིས་པའི་གཏམ་རྒྱུད་དེས། སུ་ཞིག་གི་མིག་ཆུ་འཐུང་མྱོང་། སྙིང་ཉེ་བའི་སེམས་ཀྱི་སྤུན་གྲོགས། ཁྱོད་ཚོ་གང་དུ་བཞུགས་ཡོད་དམ། ཁྱོད་ཚོ་བདེ་མོ་ཨེ་ཡིན་ལགས། ཁྱོད་ཚོས་བརྗེད་ཡོད་དམ། ང་ཡི་སློབ་གྲོགས། སློབ་རའི་གྲུ་ཟུར་རེ་རེ་ན། དགོད་སྒྲ་འཁྱིལ་ཡོད། མིག་ཆུ་བཞུར་ཡོད། ང་ཡི་སློབ་གྲོགས། ༣ རྒྱང་རིང་ལ་ཕྱོགས་པའི་རྨི་ལམ་དེ། སུ་ཞིག་གི་སེམས་ནང་ལྷག་ཡོད། སེམས་མཐུན་གྱི་ང་ཡི་སློབ་གྲོགས། ཁྱོད་ཚོ་གང་དུ་བཞུགས་ཡོད་དམ། ཁྱེད་ཚོ་བདེ་མོ་ཨེ་ཡིན་ལགས། ཁྱོད་ཚོས་བརྗེད་ཡོད་དམ། ང་ཡི་སློབ་གྲོགས། སློབ་རའི་གྲུ་ཟུར་རེ་རེ་ན། ཕྱིར་དྲན་ལུས་ཡོད། དུང་བ་ལྷག་ཡོད། ང་ཡི་སློབ་གྲོགས། དུང་བ་ལྷག་ཡོད། ང་ཡི་སློབ་གྲོགས། ...........